السلام عليكم
 |
| .. or little girl 🙂 <3 |
ربنا بيرزقنا بطفل رضيع ملائكي صغير.. روحنا بتتملي بالفرحة وبيتخلق جوانا نوع فريد من الحب ماكنّاش نعرفه و عمرنا ما شعرنا بمشاعر مثلها في حياتنا .. ولكن مع كل المشاعر الجميلة دي بنواجه مشكلة لا مفر منها الا وهي قلة/انعدام النوم.
لا يخفيكي سرا أنا اول ماولدت حصلتلي صدمة من انعدام النوم. ماحدش كان مصورلي وضع النوم بهذا الشكل. كنت بقول في نفسي يعني مش حينفع ارجع انام اكتر من ٣ ساعات تاني؟
وكل ماسأل حد كان يقولي بعد ٦ شهور، او ٣ شهور بس تدخلي صناعي، ولكني كنت ولازلت رافضة حوار الصناعي ورضعات الاعشاب وخلافه فالموضوع كان اصعب .
وكل ماسأل حد كان يقولي بعد ٦ شهور، او ٣ شهور بس تدخلي صناعي، ولكني كنت ولازلت رافضة حوار الصناعي ورضعات الاعشاب وخلافه فالموضوع كان اصعب .
اول اربعين يوم والدتي ربنا يباركلها كانت بتاخد مني شيفتات صباحية.. بمعنى انا كنت بسهر بصالح للفجر، ومن الفجر تاخده بعد مايرضع وتجيبهولي بعد ساعتين او ثلاثة وتسيبني، وتجيبه تاني يرضع وترجع تسيبني. طبعا نوم متقطع ولكنه ارحم من مافيش!
طيب عشان نكون واقعيين وبنتكلم كلام علمي، مافيش حاجة اسمها تنظيم نوم قبل ٣ شهور. حديثي الولادة بيفضلوا الثلاث شهور الأولى دول نومهم متقطع جدا ومقلوب، يعني بيناموا بالنهار ويصحوا بالليل، ولما يناموا بالليل بيكون نوم خفيف ومتقطع وقصير على عكس النهار نوم ثقيل وطويل قد يصل ل ٤ ساعات! طبعا ده الوقت اللي غالبا بتكوني بتطبخي او بتتغدي فيه. سبحان الله السبب اللي قرأته في بعض الكتب، انه زي ماتعود في بطنك وانتي حامل، لما كنتي صاحية كان هو بينام من حركتك، كأنك بتهزيه للنوم 🙂 ولما كنتي بتسترخي بالليل وتنامي عدم الحركة بيصحيه. والله اعلم
روشتة اول ٣ اشهر
طيب ايه الحل اول ٣ شهور؟
اولا انك تحاولي تحمسي نفسك ان الفرج قرب قوي، وماتخليش حد مش منظم نوم ابنه (ودول كتيييير قوي) يحبطك.. ماتقلقيش مثابرتك حتذوقك حلاوة الأمومة بإذن الله)
اولا انك تحاولي تحمسي نفسك ان الفرج قرب قوي، وماتخليش حد مش منظم نوم ابنه (ودول كتيييير قوي) يحبطك.. ماتقلقيش مثابرتك حتذوقك حلاوة الأمومة بإذن الله)
١- حتبدأي تسترخي وتقللي اي مهام وراكي
٢- استمتعي بالتعرف على ابنك وحبيه
٣- لازم حد يساعدك فعليا، طبعا والدتك زي ماشرحتلكم فوق، ومن ثم زوجك. انا كنت بتفق مع زوجي اصحيه قبل شغله بساعتين ياخد ابني ووقتها كان صغير خالص مش متعب يعني. كان بياخده في غرفة تانية وانا انام شوية، ولما بينزل هو بقى بكون استرديت شوية صحة، بصحى مع ابني وبنام لما ينام بعدها
٤- حاولي مهما اتضغطي ماتتنرفزيش عليه، مهما كان بيصرخ هو بيتألم ف استحملي وهوني عليه وهنا بعض الطرق لتخفيف المغص…
فيديو بالعربي لعلاج المغص من سوبر ماما
لمعرفة المزيد عن المغص الحاد واسبابه
٥- قللي خااالص مهام البيت، اللي مستني منك طبخ رهيب وغسيل وكوي في الوقت ده، اسفة عالكلمة أناني ومش حاسس بتعبك قد ايه. ادي زوجك مهام منزلية يساعدك بيها، وهو حيكون كدة بيقتدي بالنبي عليه الصلاة والسلام. وليكن غسل ونشر الغسيل، لم القمامة، انه يناولك سبت الغيار ولبس البيبي مثلاً، وهكذا .. ممكن كمان زوجك يطلع لطيف ويغسلك المواعين او يعملك طبق مكرونة .. كل واحد وقدراته 🙂
فيديو بالعربي لعلاج المغص من سوبر ماما
لمعرفة المزيد عن المغص الحاد واسبابه
٥- قللي خااالص مهام البيت، اللي مستني منك طبخ رهيب وغسيل وكوي في الوقت ده، اسفة عالكلمة أناني ومش حاسس بتعبك قد ايه. ادي زوجك مهام منزلية يساعدك بيها، وهو حيكون كدة بيقتدي بالنبي عليه الصلاة والسلام. وليكن غسل ونشر الغسيل، لم القمامة، انه يناولك سبت الغيار ولبس البيبي مثلاً، وهكذا .. ممكن كمان زوجك يطلع لطيف ويغسلك المواعين او يعملك طبق مكرونة .. كل واحد وقدراته 🙂
٦- اشتغلي على نفسيتك.. انا ماكنتش عارفة أحل اكتئابي ازاي! قعدت افكر لحد مالقيت اني لما ماكنش عارفة انام وصالح نايم ومافيش أمل، مهاتيش، واستغل الوقت اقرأ حاجة بعيدة تماماً عن وضعي، كنت بقرأ رواية كنت بحطها بجانب سريري واقراها وكنت بعيش في جو الرواية وانسى العالم بما فيه، بجد بجد علاج ممتاز واسهل ما فيها اني ماكنتش بقوم من مكاني. شوفي بقى تحبي ترسمي تلوني اللي يناسب ميولك وراحتك.
٧- اعملي انشطة تشغله وتسليه وتنمي حواسه في السن ده ودي تدوينة عن أنشطة من الميلاد)
٨- ادعي كتييييير.. انا كنت بدعي صالح ينام نص ساعة، والله أنا كنت بصحى بعدها حعيط من سعادتي لو سابني نمتلي نصاية كان انجااز بالليل
٩- الأمن والسلامة : لازم تقري عن متلازمة الموت المفاجيء عند الطفل واهمية مراعاة ايه اللي يتعمل ومايتعملش عشان تحمي ابنك ربنا يحفظه، ومن اهمها ماينامش على بطنه نهاائي غير لو صاحي، ماتغطيهوش زيادة، ماتحطيش حواليه دباديب وغيره.. للمزيد من المعلومات افتحي الرابط ده
٩- الأمن والسلامة : لازم تقري عن متلازمة الموت المفاجيء عند الطفل واهمية مراعاة ايه اللي يتعمل ومايتعملش عشان تحمي ابنك ربنا يحفظه، ومن اهمها ماينامش على بطنه نهاائي غير لو صاحي، ماتغطيهوش زيادة، ماتحطيش حواليه دباديب وغيره.. للمزيد من المعلومات افتحي الرابط ده
هااام
التمييز بين الليل والنهار
ابنك/بنتك كائنات حديثة على هذا الكوكب.. مايعرفوش نظامه بيمشي ازاي.. ماتجيش انتي تنوري النور والتليفزيون الساعة ١٢ بالليل وتتوقعي انه يعدل نظام نومه! هو من الاساس مايعرفش ايه النهار وايه الليل.
الموضوع ده مهم جداً تركزي فيه طول الوقت حتى بعد ماينظم نومه.
اولا الصبح حتى لو نايم حتفتحي الشبابيك وتدخلي نور ربنا وتفتحي النور (بس مش اوفر برضو ده لسة بيبي) لو الشباك مش مدخل نور كويس، وتشغلي الراديو مثلا بصوت معتدل بحيث انه يفهم ان ده وقت الحركة والنشاط والاستيقاظ، هدفك مش تصحيه وماتحاوليش لانه غلط تصحي رضيع نائم. ف انتي بس بتعوديه عالنهار، بحيث لما يصحى حيفهم،.
لما يجي المغرب مثلا حتطفي انوار البيت كله! والبيت هسسسس هادي، وزوجك معاكي عالخط، تمام؟ -_- وطبعا البيبي حيكون صاحي، ماتحبطيش، لعبك معاه عالهادي في اضواء خافتة، كدة بيبدأ يفهم.
؟ بس ماتتوقعيش تغيير مفاجيء ماشي
بعد ٣ شهور
على نص الشهرين كدة لقيت صالح ابني بيطول عدد ساعات النوم بس طبعا بالنهار. واذ فجأة بعد ماكمل ٣ شهور قلب وبقى ينام باليل!!! ياااه يا عبدالصمد كنت حاسة اني بحلم .. ايه ده حنام زي البشر؟!!!
بس جت الحزينة تفرح مالقتلهاش مطرح 🙁 رجع لغبطه تاني!
طبعا انا قلت لا والله مانا ساكتة.. مش انت تعرف تنام بالليل يبقى حتنام بالليل 🙁
نزلنا بصالح مول من الظهر كدة وفضلنا نلف لحد مارجعنا البيت ٨ بالليل كدة.. هو طبعا هناك قيلولاته كانت قصيرة، ف ده معناه ايه؟ رجع عدل نومه تاااني!! اللهم لك الحمد
ومن هنا بقى يا سادة نبدأ في الجد.
من أول ٣ شهور (بعض الاطفال مش بيعدل نومه قبل ٦ اشهر) انتي تقدري تنظمي نوم ابنك.. الدراسات (الواقعية والله) بتقول ان الطفل بينام حوالي ٩ ساعات بالليل و حوالي ٥ ساعات بالنهار مقسمين.
ساعات الليل قد حيشوبها استيقاظ ويكمل نوم بعد التهدئة او الرضاعة ..والنهار عبارة عن قيلولات قصيرة او طويلة
هنا صورة بتوضح عدد ساعات نوم الرضيع
انتي لازم بس تكوني صريحة مع نفسك.. عايزة تكوني منظمة لنفسك ولابنك ولا ناوية تلغبطي نظامكم لو حابة تسهري بالليل او مالكيش مزاج؟ طيب لو كدة بعد اذنك ماتشتكيش من نوم ابنك تاني!
اعرفي انك بدأتي طريق جديد في حياتك، والطريق ده بيشاركلك فيه إنسان له حقوق وواجبات انتي وزوجك وعائلتك واجبكم توفروهاله، وبجانب الرضاعة والغيار، مهم جدا جدا تنظيم نومه واعطائه حقوقه في هذا.
خطوات عملية
حتظبطوا معاد نوم من ٧ ل ٩ بالليل، اختاري وقت فيهم. لازم ترجعي البيت قبل معاد نومه عالاقل بساعة. عشان بمجرد لغبطتي الدنيا حتليص. انا شخصيا خلاص بقالي ٨ شهور مش بخرج بالليل والله حتى لو بنسافر بنحاول نظبط اننا نسافر الصبح اول مايصحى او نوصل قبل معاد نومه باكثر من ساعة.
حيصحى بدري طبعا وده شيء طبيعي وصحي، استمتعي بالنهار معاه وكوني فخورة بكدة 🙂
مافيش طفل نومه بالليل مظبوط لو قيلولاته ملغبطة.. حتشوفي الجدول اللي فوق وتتبعيه. طول اليوم تشوفي العلامات اللي بتبين انه نعسان وعايز ينام وتنيميه، بس ماينامش قبل معاد نومه عالاقل بساعتين ، غير كدة معاد نومه حيلغبط.
ازاي اعرف ابني عايز يقايل؟
بيتاوب
بيدعك في عينه
مسهم
بوادر قريفة
اول ماتلاقي العلامات دي حتاخديه وتحاولي تعمليله استرخاء عشان ينام ، خففي انوار الغرفة، موبيلك صامت، مافيش صوت وابدأي هديه ونيميه .
اوعي تفتكري انك لو سبتيه لحد مايتعب قوي ويقريف خالص انه كدة حينام بسرعة، هو حيتعب ويتعبك معاه.
لما تكوني برة او في عزومة ماتتوقعيش انه يقايل في الازعاج، حاول تشوفي غرفة هادية ضوئها خافت او لو انتم برة اقعدي في كافيه في زاوية هادية يعني هيئيله الوضع المناسب. لكن مش طبيعي تماما انك في دوشة وضوضاء وتستغربي لو ابنك مقريف، حبيبتي ده بيبي صغير ماكملش سنة حسي بيه وحطي نفسك مكانه واستغربي نفسك مش تستغربيه 😀
لما تكوني برة او في عزومة ماتتوقعيش انه يقايل في الازعاج، حاول تشوفي غرفة هادية ضوئها خافت او لو انتم برة اقعدي في كافيه في زاوية هادية يعني هيئيله الوضع المناسب. لكن مش طبيعي تماما انك في دوشة وضوضاء وتستغربي لو ابنك مقريف، حبيبتي ده بيبي صغير ماكملش سنة حسي بيه وحطي نفسك مكانه واستغربي نفسك مش تستغربيه 😀
طيب انيمه ازاي اصلا؟
اولا: بتعمليله روتين ليلي.. الروتين ده تلتزمي بيه يوميا في نفس المعاد وبنفس الترتيب. مهم جدا مايكونش فيه اي مصدر ازعاج، تشويش، ناس داخلين طالعين عليكم، صوتك يعلا او تلاعبيه لعب حركي…
كل خطواتك تكون برتم اهدأ من العادي واخر حاجة بتعمليها حتكون بصوت واطي وهدوء
الروتين ده بيتكون من كام حاجة تختاريها من هذة الاشياء:
حمام دافيء
قراءة قصة
غناء هادىء
ماساج
هز/ تتمشي بيه
في مناهج بتقول ماتنيميهوش عالرضاعة ولكن أنا شخصيا ضد ده وبشوف إن من أجمل اللحظات الفطرية اللي بشوف ابني مستكين فيها هي وهو بيرضع قبل النوم.. ودي مقالة كتبتها عن الرضاعة الطبيعي 🙂
مدارس مختلفة
1- Richard Ferberzer : Cry it out
ودي اللي بتقول قبل وقت النوم حترضعيه وترخيه وتحطيه في سريره وتسيبيه لوحده في الغرفة لو عيط لمدة ٥ دقائق وترجعي تطبطبي عليه منغير ماتشيليه وتفضلي على هذا المنوال لحد ماينام، وكل يوم تزودي دقايق.. بيقول انه مش اكتر من اسبوع وحيتعود ينيم نفسه.
فيه طريقة اخف منها لو حابين تقروا عنها بس انا برضو مش بحب ترك الطفل يعيط نهائي. اسمها:
Fading
فيه طريقة اخف منها لو حابين تقروا عنها بس انا برضو مش بحب ترك الطفل يعيط نهائي. اسمها:
Fading
طيب انا بشارك معاكم النظرية دي من باب المشاركة لكن انا ضدها جملة وتفصيلا والكثير والكثير من النظريات الحديثة بتقول ان الطريقة دي بتعمل عدم استقرار عاطفي عند الطفل وعدم شعور بالامان… ف نصيحيتي بجد انتم بتعدبوا الطفل اوعوا تعملوها هو بيشعر بالاهمال وبيحس بعدم ثقة تجاه المجتمع وفقدان عاطفي رهيب!
2- Baby whispering
دي طريقة ظريفة جدا وبتقول ان البيبي كل مايعيط حتشيليه وتطمنيه وتحطيه تاني، وتفضلي تكرري مهما لزم الامر،الموضوع متعب شويتين في الاول ولكن بعد كدة بيجيب نتيجة. تريسي هوج صاحبة الطريقة بتقول حتعملي ترتيب ليومه كالأتي صحيان، اكل، لعب، نوم ، ثم نفسك( راحتك يعني) والدايرة تلف تاني.
3- Natural Parenting
دي مش طريقة ولكنه منهج الكثير من الامهات اللي بيقولو نيمي الطفل زي مايحب سواء بالرضاعة او في حضنك او ايا كان.. انتي ممكن تاخدي جزء من ده بإنك مرة تنيميه كدة ومرة في حضنك بعد مارضع وتحطيه في سريره. ومن متبعين المنهج ده اللي بيلبسوا الطفل حفاض طبيعي مش التحاري سريع الامتصاص وبيقعدوا الاولاد على قصرية من ٦ اشهر او قبل كدة .
٤- Attachment Parenting:
وده منهج في التواصل والتعامل مع الرضيع من اول مايتولد لحد مايكبر ويتفطم.. بتشجع وتحفز التصاق الطفل بأمه وبتدعوا لتلبية رغبات الطفل.. وبتقول انك كلما ارتبطي و احترمتي بطفلك كل ما فهمتيه وفهمتي رغباته عشان تقدري تلبيها. المنهج ده بيدعوا للرضاعة الغير منظمة يعني الرضيع يرضع وقت مايحب، بتشجع جدا الرضاعة الطبيعي والفطام بعد سن عامين كمان، بتشجع الشيل كثير والنوم بجانب الوالدين. لو المنهج ده ممكن يكون اوفر بالنسبالك،، ف بغض النظر عن اي مغالاه لكنه من افضل المناهج “الفطرية” اللي مشي عليها كل الامهات من الاف السنين من قبل ما أمريكا توجد اصلا 🙂
وده فيديو ممتاز بيختصر طرق التنويم بدون بكاء:
استيقاظ منتصف الليل
لما ابنك يصحى بعد ساعة ماتجريش عليه، استني ثواني، احيانا بيعملوا صوت ويكملوا نوم. لو صوته علي وعيط روحيله بشويش وطبطبي عليه، لو برضو مانفعش شيليه وهزيه ونيميه تاني، حاولي بقدر الامكان (مش اجبار لو عايز اديه) ماترضعيهوش غير لو عدى ٣ ساعات او ساعتين على اخر رضعة.. اصبري دايما معاه في كل شيء وبالتدريج حتشوفي نتيجة.. ممكن تلاقي النتيجة بعد يومين و ممكن بعد اسبوع وممكن بعد شهر..
لو لازم يغير حتغيريله في الظلام ويادوب نور برة الغرفة مخليكي تشوفي، مهما حاول يلعب ويناغش هس مش حتتكلمي ومش حتلعبي. ومش حتعملي اي حركات تفوقه، لانه لو فاق مش حينام وحيتعود ان نوم الليل ده متقطع، و نومه حكون ملغبط وبالتالي نهاره قريفة والدنيا كلها لايصة.
ابدأ ازاي مع ابني اكبر من ٦ شهور
طبعا هو المفروض يكون بينام قيلولات اقل ونوم ليلي طويل، والاصعب انه حيكون بيتحرك كتير وعايز يلعب حتى لو نعسان. حتعملي نفس الكلام اللي ذكرناه، حتعمليله جدول يومي، تصحوا تاكلوا وتلعبوا وتتحركوا وحيقايل من ٢ ل٤ قيلولات ومهم جدا اخر قيلولة يصحى منها عالاقل قبل معاد نومه بساعتين ل ٣. حتعمليله روتين النوم وبرضو تصبري عليه واوعي تضغطي عليه، لو بيقاوح قوي، قومي بيه بالراحة والعبوا سوا في نور خافت جدا او غرفة مضاءة بنور من خارجها ، شوية وحتلاقيه النوم بيغلبه حتاخديه السرير وتنيميهتجارب امهات مصريات
حقولكم المنهج اللي بتبعه من اول ماكمل ٣ اشهر. اول حاجة بطلتله السكاتة وده فرق جدا في نموه وسرعة استجابته لحجات كتير ومقدرته عالتعبير عن مشاعره. نظمتله معاد نومه في الاول كان ١ بالليل وبعد كام شهر بقى ١١ وبعدين بقى ٨. طبعا ماوصفلكمش احساسي يوميا بعد مابينام بدري، بلاقي وقت اقرأ واعمل اللي انا عيزاه وبنام بدري عشان الحق اصحى معاه هو بيصحى يوميا ٧ صباحا واحيانا قبل كدة.
لما كنت بنيم صالح وهو اصغر من ٩ شهور كنت يهزه واغنيله واحطه في سريره.. لكن بعد كدة بقى اريحلي جسمانيا ونفسيا وعاطفيا انه ينام جنبي، وبالفعل كتير بيصحى في وسط الليل ويكمل نوم لما بطبطب عليه وبيتطمن انه جنبي. ولكن في قيلولاته بينام في سريره عشان مش بكون جنبه، وبإذن الله لما البرد يخف حنيمه قيلولاته في مرتبة عملاهاله عالارض في غرفته بإذن الله، بحيث لما يصحى يعرف يحبي/يمشي خارج الغرفة.
لما كنت بنيم صالح وهو اصغر من ٩ شهور كنت يهزه واغنيله واحطه في سريره.. لكن بعد كدة بقى اريحلي جسمانيا ونفسيا وعاطفيا انه ينام جنبي، وبالفعل كتير بيصحى في وسط الليل ويكمل نوم لما بطبطب عليه وبيتطمن انه جنبي. ولكن في قيلولاته بينام في سريره عشان مش بكون جنبه، وبإذن الله لما البرد يخف حنيمه قيلولاته في مرتبة عملاهاله عالارض في غرفته بإذن الله، بحيث لما يصحى يعرف يحبي/يمشي خارج الغرفة.
انا بتبع فطرتي، مش ضد الرضاعة حتى النوم ولكنها مش قاعدة عندي يعني احيانا بينام بدونها، حسب مايعوز ، يعني ساعات بيرضع ويفضل صاحي بحطه جنبي في السرير ونحاول ننام منغير شقاوة، لو لقيته فايق قوي قوي بنقوم نصاية نلعب برة في هدوء وشوية وبينعس بننام بسرعة. لفتني وأنا بقرأ كتاب شهير عن تنظيم النوم، كتبت فيه المؤلفة فيما معناه “أن الرضاعة حتى النوم شيء ممتع وفطري ومليء بالمشاعر، وإن كنتي لا تنزعجين منه فلا تمنعيه لمجرد شعورك الحتمي لذلك او لأن الاخرين يهاجمونه بشدة وعنف.” فقط نظميه وتعقلي فيه.
أنا عايزة اختملكم في تجربتي، ان صالح مازال بعد كل الفترة دي زي اي بيبي بياخد وقت عشان ينام، وبيفرك او يفضل يتقلب او يزمزق واحيانا بناخد ساعة او اكتر عشان ينام،، ماتتخنقيش او تزهقي من شيء طبيعي. لازم تتقبلي انك عشان تعيشي حياة منظمة وابنك/بنتك يناموا نوم منظم اثناء الليل لازم تتقبلي ان هما بياخدوا وقت.. اديهم وقتهم
**لو عندك تجربة ناجحة لتنظيم نوم رضيعك قبل مابلغ عامه الأول ارسليهالي وحنزلها هنا عشان غيرك يستفيد وتتشجع وتعرف انها واقع وحقيقة 🙂
المؤمن فطن كيس
حتحاولي ثم حتحاولي ثم حتحاااولي.. ثم حتنجحي في الأخر بإذن الله
ادعي كتييير
ماتخديش كلام حد او مصدر محدد كأنه قرآن. اولا انتي ليكي عقل تفكري بيه و فطرة بتقودك ، ثانيا انتي عندك ظروف مختلفة، و ابنك له ظروف مختلفة، اصبري عليه واديه وقته وماتضغطيش عليه، هو في الاخر رضيع حتة لحمة صغنططة. واعرفي ان مش شرط كلامي ده ينفع كله بالحرف الواحد، ممكن ابنك يكون بينام اقل من المعتاد ولكن ده مش معناه انه نومه يتقلب او تسهري بيه برة او او.
ماتقارنيش نفسك بغيرك انتي بجد ماتعرفيش حجم المعاناة اللي غيرك مر بيها عشان يوصل لكدة
كل القواعد لازم ويجب انها تتكسر في اوقات المرض والتسنين وده مش كلامي، ده كلام جميييع المناهج والمدارس بلا استثناء.. ماعادا طبعاً الروتين الليلي والالتزام بمعاد النوم، لكن لو حابب يرضع، لو صحي في وسط الليل ومش عايز ينام ومصهللل باخده غرفة تانية بنور خافت جدا يلعب مع نفسه وبيتعب ونرجع نكمل نومنا. لو حصلت ظروف ونومنا اتأخر يوم وده في الاغلب بيحصل لو كنا في زيارة ورجعنا وهو كان متحمس قوي، في الحالة دي بيتأرق..
طبعا ماقولكمش التليفزيون . ممنوع عشان نموه، وتأخر الكلام، وكمان عشان بيجيب ارق
مصادر هامة
كيف ابطلو اللهايه عمرو تلت اشهر نفسي ينام من غيرها بعيط بضل عشان ينام فيها
ربنا يعينك الفترة الأولى بتكون فيها تحديات كتير ولحظات اكتر جميلة وممتعة،، ربنا يقر عينك بيه <3
أنا من الناس اللي مع منهج ينام عالرضاعة عشان يطمن وفي حضنك ف ده مع الوقت حيريحه ويطمنه ويجعل مابينكم علاقة عميقة وجميلة 🙂